Go ja dijo tša phepo go bohlokwa go maphelo a rena, eupša ka lebaka la go oketšega ga ditshenyegelo tša bophelo, bontši bja maAfrika Borwa bo dumela gore dijo tša go ba le phepo ye botse di tla ka theko ya godimo. Ge re keteka Beke ya Bosetšhaba ya Phepo go tloga ka la 09-15 Oktobere, Super Sun e šomišana le setsebi sa dijo sa tikologo go abelana maele a mmalwa mabapi le go reka dijo tša phepo tšeo di sa turego.
“Phepo e botse e mabapi le go ja dijo tša ka mehla tša go ba le phepo ye botse, tše di lekalekanego go matlafatša mmele wa gago ka maatla. Mebele ya rena e šomiša dikotla tša go tšwa dijong tšeo re di jago gore re dule re phela. Ke ka fao go lego bohlokwa go go beakanya go dira dijo tša phepo go lego bohlokwa kudu ge re reka dijo,” go bolela Sibongile Mooko, Molaodiphethiši wa Thekišo wa Premier FMCG, mong wa leina la Super Sun. “Ka manyami, dinyakišišo di bontšha gore ge gantši seemo sa maphelo e se lebaka mo dikgethong tša dijo tša ka mehla, e ka ba e le ka lebaka la go rekega le tlhokego ya tsebo mabapi le dihlopha tša dijo.1 Re rata go fetoša seo,” o a tlaleletša.
Ka peakanyo ye nnyane, o ka etiša pele bophelo bjo bobotse bja lapa la gago le go fokotša tšhelete yeo o e šomišago go reka. Maele a mahlano mabapi le go reka dijo tša phepo ka tsela yeo e sa turego ke a:
1. Ipeakanye
Tseba gore ke merogo efe yeo e hwetšagalago serapaneng sa gago sehla se sengwe le se sengwe, gomme o kgonthišiše gore o reka ditšweletšwa goba dijo tšeo di e tlaleletšago.
O ka boloka tšhelete e ntši le go reka dijo tša go ba le phepo ye botse ge o beakanyetša dijo tša gago nako ya beke ye e latelago. Ngwala lenaneo la dijo pele o eya lebenkeleng, gomme o kgonthišiše gore o reka feela seo se lego lenaneong la gago. Go tsenya ka teroling ya gago dijo tša motheo tša go ba le phepo ye botse (go swana le bupi bja lefela bjo bo matlafaditšwego) tša go dula nako ye telele šelefong go ra gore o reka ditšweletšwa tše di humilego ka dikotla tšeo le tšona di rekegago.
“Dikgetho tša setatšhe tše di theilwego godimo ga lefela di a rekega ebile di fa dijo tša ka mehla tše di nago phepo ye botse. Nyaka tšeo di matlafaditšwego, ka ge se se e ra gore di na le mehola ya dikotla tše di okeditšwego. Go fa mohlala, setšweletšwa se se matlafaditšwego se se theilwego godimo ga lefela se swanetše go ba karolo ya motheo ya dijo ka moka. Se thuša go fa mmele maatla ao a nyakegago letšatši le lengwe le lengwe go oketša tšhomo le seemo se se botse sa maphelo ka kakaretšo. Dijo tša lefela tša matena goba tša mantšiboa le tšona di tla go khuriša nako e telele,” go šišinya Setsebi sa Phepo sa tikologo, Ria Tintswalo.
2. Go reka ka bohlale
Hwetša gore ke disuphamakete dife tše di kgolo tikologong ya geno tšeo di nago le dithekofase tše kaone le combo tša go ikgetha, gomme o botšiše ka dikarata tša potegalelo go hwetša dipolokelo tša tlaleletšo. O se tsoge o ile go reka mabenkeleng o swerwe ke tlala, ka ge go na le kgonagalo ya gore o reke dilo tšeo o sa di hlokego. Lebelela letšatšikgwedi la moragorago la thekišo ge o reka ditšweletšwa tše foreše, gomme o lebelele dišelofong tša mabenkele go hwetša dikgetho tša go se ture – dilo tše di sa turego gantši di bewa moo mahlo a kgonago go bona. Dijo tša ka dithitswaneng, tše di phuthetšwego goba tše di gatseditšwego gantši ke tša go se ture, ka gona dula o gopola seo ge e ba o na le sekgoba ka gare ga segatsetši. Gape, gopola gore go reka le go apea ka bontši ke mokgwa wo mobotse kudu wa go boloka tšhelete.
3. Reka dikhapohaedreite tšeo di nago le dikotla tše ntši
Dijo tša go thewa godimo ga lefela tšeo matlafaditšwego ka dibithamini le diminerale ga se gore ga di ture feela go feta ditatšhe tše dingwe eupša gape di tla fa lapa la gago maatla a mantši le gore ba dule ba phetše gabotse. Go kopanya dikhapohaedreite tše le merogo e foreše go tšwa serapaneng sa gago ke mokgwa wo mobotse kudu wa go fa dijo tša phepo go hwetša dijo tša ka mehla tše di lekalekanego.
4. Tsenela megodišano ya dijo
Ka ditshenyegelo tše di oketšegago tša dijo, nagana go tsenela mogodiašno gotee le maloko a mangwe a setšhaba sa geno go reka dijo tša motheo tšeo di sa senyegego go swana le bupi bja lefela bja boleng bja godimo, dijo tša ka dithitswaneng le makhura a go apea. Go reka dilo tše ka theko ya fase gape ka bontši go tla thuša go otlolla letseno la gago ge o dutše o šomiša sebaka sa go reka dijo tše di sa turego tšeo di tšeago nako e telele.
5. Seo o se jago se bohlokwa
Go na le mekgwa ye mentši yeo ka yona o ka oketšago dijo tša go ba le phepo ye botse peakanyong ya gago ya dijo tšeo di sa turego. Merogo ke kgetho ye e lego molaleng ya dijo tše di lekalekanego. Di reke ka mekotla e sego ka e tee ka e tee go boloka ditshenyegelo. Reka diprotheine tša go se ture go swana le dinawa le ditlhodi, gomme o di tsenye ka gare ga dinama le disopo go thuša go oketša dijo tša gago go ya pele. Dijo tše di matlafatšwego, go swana le bupi bja lefela, di a rekega e bile di tletše ka dikotla tša tlaleletšo go kaonafatša seemo sa gago sa maphelo.
Go tsenya dijo tša go thewa godimo ga lefela dijong tša gago ke mokgwa wa go se ture wa go fepa mmele wa gago gore mmele wa gago o phele botse. Ga se semaka ge bontši bja maAfrika Borwa bo rata ‘bogobe’ kudu ka nako ya dijo tša matena goba tša mantšiboa. “Instant Maize Porridge ya Super Sun e matlafaditšwe ka dibithamini tše 12 le diminerale tše 2. E na le maatla a mantši ebile go bonolo go e lokišetša go ba dijo tša mesong tše di bose gape tša go ba le phepo,” go bolela Mooko.
“Re a tseba gore go na le tlhokego e kgolo ya dikgetho tša dijo tša go ba le phepo ye botse tšeo di sa turego le thuto e kaone mabapi le go ja botse. Re be re dutše re aba dijo tšeo di sa turego, tšeo di humilego ka dikotla mo mengwageng e 50 ya go feta. Super Sun e ikgantšha ka go dira gore dimpa di dule di tletše, maemo a maatla a le godimo, le go phatlalatša temošo mabapi le go dira dikgetho tša phepo ye botse,” go phetha Mooko.
Ditšhupetšo
1. https://bmcpublichealth.biomedcentral.com/articles/10.1186/s12889-019-6546-2
CLICK HERE to submit your press release to MyPR.co.za.
Press Release Views since 1 July 2022: 51
